Ferðamannastaður

Gestir á hljómleikum í Kerinu árið 2004.

Gestir á hljómleikum í Kerinu árið 2004.

Mörg ör ber Ísland eftir eldsumbrot. En þótt undarlegt megi virðast eru þau flest til prýði. Jafnvel úfin og grettin hraun búa yfir óskiljanlegum töfrum. Eldurinn hefur skapað marga staði, sem eru ógleymanlegir öllum sem líta þá augum. Kerið í Grímsnesi er slíkur staður með stórkostlegum litbrigðum.

Í grónum hólum rétt hjá þjóðveginum opnast skyndilega mikill gígur. Hann er umlukinn háum og bröttum skriðum úr marglitu grjóti, en á einum stað liggja að honum grænar valllendisbrekkur. Á botni Kersins er bládjúp tjörn.

Kerið er meðal helstu viðkomustaða ferðamanna á Suðurlandi og er þar í flokki með Gullfossi, Geysi, Þingvöllum og Skálholti.

Lengi hefur þótt við hæfi að sýna tignum gestum náttúruundrið. Meðal þjóðhöfðingja sem þangað hafa komið má nefna Lennart Meri, forseta Eistlands, sem átti viðkomu í Kerinu í heimsókn sinni hingað til lands árið 1999 og Friðrik, krónprins Dana, sem þangað kom árið 1938 ásamt Ingiríði konu sinni.

Aðgangseyrir

Kerið er í eigu Kerfélagsins ehf. Aðgangseyrir að Kerinu er eftirfarandi:

400 krónur

Skipuleggjendur hópferað eru hvattir til að hafa samband og ganga frá greiðslu fyrirfram til að forðast biðraðir. Allar frekari upplýsingar má nálgast með tölvupósti info@kerid.is.

Hópferðafyrirtæki sem vilja forðast biðraðir geta lagt inn greiðslu fyrir allan hópinn í einu lagi á reikn. Kerfélagsins , kennitala 570101-2180, banki 0331-26-1033, og framvísað innleggskvittun við innganginn.